2015 jylǵy 23 aqpan, Astana qalasy
Qazaqstan Respýblıkasynyń aýmaǵynda kezekshilik-dıspetcherlik qyzmetterdiń qyzmetin úılestirý qaǵıdalaryn jáne biryńǵaı kezekshilik-dıspetcherlik «112» qyzmetiniń ókilettikterin bekitý týraly
«Azamattyq qorǵaý týraly» 2014 jylǵy 11 sáýirdegi Qazaqstan Respýblıkasy Zańynyń 12-baby 1-tarmaǵynyń 70-20) tarmaqshasyna sáıkes buıyramyn:
1. Qosa berilip otyrylǵan:
1) osy buıryqqa 1-qosymshaǵa sáıkes Qazaqstan Respýblıkasynyń aýmaǵynda kezekshilik-dıspetcherlik qyzmetterdiń qyzmetin úılestirý qaǵıdalaryn;
2) osy buıryqqa 2-qosymshaǵa sáıkes Qazaqstan Respýblıkasynyń aýmaǵyndaǵy biryńǵaı kezekshilik-dıspetcherlik «112» qyzmetiniń ókilettikteri bekitilsin.
2. Qazaqstan Respýblıkasy Ishki ister mınıstrliginiń Tótenshe jaǵdaılar komıteti (V.V. Petrov) zańnamada belgilengen tártipte:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty memlekettik tirkelgennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Ishki ister mınıstrliginiń ınternet-resýrsyna ornalastyrýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Ishki ister mınıstriniń orynbasary V.K.Bojkoǵa júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Ishki ister mınıstri polısııa general-leıtenanty Q.QASYMOV
«KELISILDI»
Qazaqstan Respýblıkasynyń Densaýlyq saqtaý jáne áleýmettik damý mınıstri
_________________ T.Dúısenova
2015 jylǵy 5 naýryz
«KELISILDI»
Qazaqstan Respýblıkasynyń Investısııalar jáne damý mınıstri
_________________ Á. Isekeshev
2015 jylǵy 6 sáýir
«KELISILDI»
Qazaqstan Respýblıkasy Ulttyq qaýipsizdik komıtetiniń tóraǵasy
_________________ N.Ábiqaev
2015 jylǵy 27 naýryz
Qazaqstan Respýblıkasy Ishki ister mınıstriniń 2015 jylǵy 23 aqpandaǵy №138 buıryǵyna 1-qosymsha
Qazaqstan Respýblıkasynyń aýmaǵynda kezekshilik-dıspetcherlik
qyzmetterdiń qyzmetin úılestirý qaǵıdalary
1. Jalpy erejeler
1. Osy Qazaqstan Respýblıkasynyń aýmaǵynda kezekshilik-dıspetcherlik qyzmetterdiń qyzmetin úılestirý qaǵıdalary «Azamattyq qorǵaý týraly» 2014 jylǵy 11 sáýirdegi Qazaqstan Respýblıkasy Zańynyń (budan ári – Zań) 12-baby 1-tarmaǵynyń 70-20) tarmaqshasyna sáıkes ázirlendi jáne tótenshe jaǵdaılar týyndaǵan kezde, adamdardyń ómirine qaýip tóngen jáne densaýlyǵyna zııan keltirilgen kezde jáne shuǵyl kómek kórsetý sharalaryn qabyldaýdy talap etetin ózge jaǵdaılarda kezekshilik-dıspetcherlik qyzmetterdiń jumysyn úılestirý tártibin aıqyndaıdy.
2. Biryńǵaı kezekshilik-dıspetcherlik «112» qyzmetiniń negizgi mindetteri halyq pen uıymdardan tótenshe jaǵdaılar qateri nemese onyń týyndaýy týraly, oqıǵalar, qylmystyq quqyq buzýshylyqtar, tirshilikti qamtamasyz etý júıeleri jumys isteýiniń buzylýy týraly aqparat bar habarlardy qabyldaý, sondaı-aq kelip túsken habarlamalardy óńdeý jáne taldaý, kelip túsken habarlamaǵa den qoıýǵa tartylatyn kúshter men quraldar aýqymyn jáne quramyn aıqyndaý, olardyń menshik túrlerine jáne vedomstvolyq tıesiligine qaramastan kezekshilik-dıspetcherlik qyzmetterdiń ózara is-qımylyn uıymdastyrý bolyp tabylady.
3. Osy Erejede myna termınder men anyqtamalar qoldanylady:
1) avarııalyq-qutqarý quralymy – avarııalyq-qutqarý jumystary men kezek kúttirmeıtin jumystardy júrgizýge arnalǵan derbes nemese attestattalǵan avarııalyq-qutqarý qyzmetiniń quramyna kiretin azamattyq qorǵaý kúshteriniń uıymdyq-qurylymdyq birligi;
2) biryńǵaı kezekshilik-dıspetcherlik «112» qyzmeti – tótenshe jaǵdaıdyń týyndaý alǵysharttary nemese týyndaýy, órt, adamdardyń ómirine tóngen qater men densaýlyǵyna zııan keltirý qateri týraly jáne óz quzyreti sheginde shuǵyl qyzmetterdiń den qoıý jónindegi is-qımyldaryn keıinnen úılestire otyryp shuǵyl kómek sharalaryn qoldanýdy qajet etetin ózge de jaǵdaılar týraly jeke jáne zańdy tulǵalardan kelip túsetin habarlamalardy qabyldaý jáne óńdeý qyzmeti;
3) Qazaqstan Respýblıkasy Ishki ister mınıstrligi (budan ári – Azamattyq qorǵaý salasyndaǵy ýákiletti organ) Qazaqstan Respýblıkasy ishki ister organdarynyń júıesine, tabıǵı jáne tehnogendik sıpattaǵy tótenshe jaǵdaılardyń aldyn alý jáne olardy joıý, azamattyq qorǵanys salasynda basshylyq etýdi, sondaı-aq zańnamada kózdelgen shekte qylmysqa qarsy kúres, qoǵamdyq tártipti saqtaý jáne qoǵamdyq qaýipsizdikti qamtamasyz etý, órt qaýipsizdigi, tótenshe jaǵdaılardyń aldyn alý men olardy joıýdyń memlekettik júıesiniń jumys isteýi men odan ári damýyn qamtamasyz etý, órttiń aldyn alý men ony sóndirýdi uıymdastyrý salasyndaǵy salaaralyq úılestirýdi júzege asyratyn Qazaqstan Respýblıkasynyń ortalyq atqarýshy organy bolyp tabylady.
2. Qazaqstan Respýblıkasynyń aýmaǵynda ózara
is-qımyl jasasatyn kezekshilik-dıspetcherlik qyzmetter
4. Qazaqstan Respýblıkasy aýmaǵynda, Qazaqstan Respýblıkasy Ishki ister mınıstrligi Tótenshe jaǵdaılar komıtetiniń (budan ári – Komıtet) aýmaqtyq bólinisiniń jaýapty aımaqtarynda ózara is-qımyl jasasatyn kezekshilik-dıspetcherlik qyzmetterdiń quramyna:
1) Komıtettiń aýmaqtyq bólinisteriniń biryńǵaı kezekshilik-dıspetcherlik «112» qyzmetiniń bólinisi (budan ári – «112» BKDQ);
2) Qazaqstan Respýblıkasy Ishki ister mınıstrliginiń jedel basqarý ortalyǵy nemese aýmaqtyq organynyń kezekshilik bólimi;
3) jergilikti atqarýshy organnyń jedel medısınalyq járdem aqparattyq-dıspetcherlik bólinisi;
4) Qazaqstan Respýblıkasy Densaýlyq saqtaý jáne áleýmettik damý mınıstrliginiń sanıtarııalyq avıasııa qyzmeti;
5) Qazaqstan Respýblıkasy Ulttyq qaýipsizdik komıteti aýmaqtyq organynyń kezekshilik qyzmeti;
6) Qazaqstan Respýblıkasy Investısııalar jáne damý mınıstrligi Azamattyq avıasııa komıtetiniń «Qazaeronavıgasııa» respýblıkalyq memlekettik kásipornynyń áýe qozǵalysyn josparlaýdyń bas ortalyǵy;
7) áleýmettik jáne turǵyn úı-kommýnaldyq ınfraqurylym obektilerindegi avarııalyq-qalpyna keltirý jumystaryn baqylaýdy júzege asyratyn jergilikti atqarýshy organnyń kezekshilik-dıspetcherlik qyzmetteri;
8) baılanys operatorlarynyń anyqtamalyq qyzmeti kiredi.
3. Qazaqstan Respýblıkasy aýmaǵynda kezekshilik-dıspetcherlik
qyzmetterdiń qyzmetin úılestirý tártibi
5. Tótenshe jaǵdaılar týyndaǵan, adamdardyń ómirine qaýip jáne densaýlyǵyna zııan keltirgen kezde jáne shuǵyl kómek kórsetý sharalaryn qabyldaýdy talap etetin ózge jaǵdaılarda «112» BKDQ ózara is-qımyl jasasatyn kezekshilik-dıspetcherlik qyzmetterdiń qyzmetin úılestiredi. Ol úshin «112» BKDQ bólinisi ózi ornalasqan jerde múddeli memlekettik organdar men uıymdardyń aqparattyq júıelerimen, sondaı-aq ákimshilik-aýmaqtyq birlik aýmaǵyndaǵy baılanys ınfraqurylymymen yqpaldasady.
6. «112» BKDQ bólinisteriniń kezekshilik-dıspetcherlik qyzmettermen ózara is-qımyl jasaýy kúndelikti qyzmet jáne tótenshe jaǵdaılardy joıý rejıminde uıymdastyrylady.
Kúndelikti qyzmet rejıminde:
1) «112» BKDQ jedel kezekshisi kezekshilikke túsken kezde baılanys arnalary men quraldaryn tekseredi, ózara is-qımyl jasasatyn kezekshilik-dıspetcherlik qyzmetterdiń jedel kezekshileriniń baılanys derekterin, nómirlerin, shaqyrtýlary men basqa qajetti aqparatty kórsete otyryp, qosymsha baılanys quraldarynyń bolýy týraly málimetti naqtylaıdy;
2) kezekshilik kezinde ózara is-qımyl jasasatyn kezekshilik-dıspetcherlik qyzmetter tótenshe jaǵdaılar, adamdardyń ómirine qaýip tóngen jáne densaýlyǵyna zııan keltirilgen jáne shuǵyl kómek kórsetý sharalaryn qabyldaýdy talap etetin ózge jaǵdaılar týraly aqparat almasýdy júzege asyrady;
3) tótenshe jaǵdaılar týyndaǵan kezde, adamdardyń ómirine qaýip tóngen jáne densaýlyǵyna zııan keltirilgen kezde jáne shuǵyl kómek kórsetý sharalaryn qabyldaýdy talap etetin ózge jaǵdaılarda kezekshilik-dıspetcherlik qyzmetter tıisti shuǵyl qyzmetterdi tarta otyryp, olarǵa den qoıý boıynsha is-sharalardy uıymdastyrady;
4) ózara is-qımyl jasasatyn kezekshilik-dıspetcherlik qyzmetterge ózderine tótenshe jaǵdaı týraly aqparat kelip túsken kezde ol «112» BKDQ jedel kezekshisine shuǵyl túrde habarlaıdy;
5) kezekshilik-dıspetcherlik qyzmetter tótenshe jaǵdaılar týyndaǵan, adamdardyń ómirine qaýip tóngen jáne densaýlyǵyna zııan keltirilgen kezde jáne shuǵyl kómek kórsetý sharalaryn qabyldaýdy talap etetin ózge jaǵdaılarmen baılanysty oqıǵalarǵa shuǵyl den qoıý boıynsha is-áreketi týraly Zańnyń 6-babyna sáıkes «112» BKDQ-ǵa habar beredi.
Tótenshe jaǵdaıdy joıý rejıminde:
1) «112» BKDQ jedel kezekshisi tótenshe jaǵdaılar týraly habarlamany alǵan kezde «Tabıǵı jáne tehnogendik sıpattaǵy tótenshe jaǵdaılardyń synyptamasyn belgileý týraly» Qazaqstan Respýblıkasy Úkimetiniń 2014 jylǵy 2 shildedegi № 765 qaýlysyna sáıkes alynǵan aqparatty sáıkestendiredi;
2) «112» BKDQ jedel kezekshisi tótenshe jaǵdaı aımaǵyna tıisti beıindegi avarııalyq-qutqarý quralymdaryn (órt sóndirý qyzmeti, quqyq qorǵaý qyzmeti, jedel medısınalyq qyzmet, avarııalyq qyzmet) shuǵyl túrde jiberedi;
3) tótenshe jaǵdaı aımaǵyna qosymsha shuǵyl den qoıý quralymdaryn jiberý qajet bolǵan kezde «112» BKDQ jedel kezekshisi ózara is-qımyl jasasatyn kezekshilik-dıspetcherlik qyzmetterdiń tıisti jedel kezekshilerine ol týraly shuǵyl túrde habar beredi;
4) ózara is-qımyl jasasatyn kezekshilik-dıspetcherlik qyzmetterdiń jedel kezekshileri tótenshe jaǵdaı aımaǵyna qosymsha shuǵyl den qoıý quralymdaryn jiberý týraly aqparatty alǵan kezde kórsetilgen is-sharalardy shuǵyl tártippen júzege asyrady jáne «112» BKDQ-ǵa olardyń quramy, tótenshe jaǵdaı aımaǵynan ketý jáne kelý ýaqyty týraly derekter beredi;
5) ózara is-qımyl jasasatyn kezekshilik-dıspetcherlik qyzmetter almasatyn barlyq habarlamalar, sondaı-aq zardap shekkenderdiń sany, olardy ornalastyrý oryndary týraly málimetter nysandaryn tıisti ýákiletti organdar bekitetin jýrnaldarǵa tirkeledi.
7. Jeke jáne zańdy tulǵalardan «101» (órt sóndirý qyzmeti), «102» (quqyq qorǵaý qyzmeti), «103» (jedel medısınalyq qyzmet), «104» (avarııalyq qyzmet) telefon nómirleri arqyly kelip túsken habarlamalardy qabyldaý jáne olarǵa den qoıýdyń buryn qabyldanǵan tártibi saqtalady.
Qazaqstan Respýblıkasy Ishki ister mınıstriniń 2015 jylǵy 23 aqpandaǵy №138 buıryǵyna 2-qosymsha
Qazaqstan Respýblıkasynyń aýmaǵyndaǵy biryńǵaı
kezekshilik-dıspetcherlik «112» qyzmetiniń ókilettikteri
Biryńǵaı kezekshilik-dıspetcherlik «112» qyzmetiniń (budan ári – «112» BKDQ) Qazaqstan Respýblıkasynyń aýmaǵyndaǵy ókilettikterine:
1) jeke jáne zańdy tulǵalardan tótenshe jaǵdaılardyń, órtterdiń alǵysharttary nemese týyndaýy, adamdardyń ómirine qaýip tóngen jáne densaýlyǵyna zııan keltirilgen kezde jáne shuǵyl kómek kórsetý sharalaryn qabyldaýdy talap etetin ózge oqıǵalar týraly habarlardy qabyldaý jáne óńdeý;
2) shuǵyl qyzmetterdiń tótenshe jaǵdaılarǵa, órtterge, adamdardyń ómirine qaýip tóngen jáne densaýlyǵyna zııan keltirilgen kezde jáne shuǵyl kómek kórsetý sharalaryn qabyldaýdy talap etetin ózge oqıǵalarǵa den qoıý is-qımyldaryn úılestirý;
3) tótenshe jaǵdaılardy joıý jáne avarııalyq-qutqarý jumystaryn júrgizý kezinde azamattyq qorǵaý salasyndaǵy ýákiletti organnyń shuǵyl qyzmetteriniń, azamattyq qorǵaý kúshteri avarııalyq-qutqarý quralymdarynyń is-qımylyn úılestirý;
4) jeke jáne zańdy tulǵalardy tótenshe jaǵdaılardyń alǵysharttary nemese týyndaýy, halyqtyń ómiri men densaýlyǵyna qater tóngen jaǵdaıda, sondaı-aq qalyptasqan jaǵdaıdaǵy is-qımyl jasaý tártibi týraly qulaqtandyrý jáne habarlaý jatady.
Buıryq Qazaqstan Respýblıkasynyń Ádilet mınıstrliginde 2015 jylǵy 6 mamyrdaǵy Normatıvtik quqyqtyq kesimderdi memlekettik tirkeýdiń tizilimine № 10972 bolyp engizildi.